Estimadas familias.

Antes de nada esperamos que todos esteades ben neste confinamento e aproveitamos para saudarvos e enviarvos un forte abrazo de parte de todo o claustro de profesores.

Debido á achega de novas instrucións da Consellería, o centro vos comunica que:

• As reunións da 2ª avaliación estiveron a desenvolverse durante esta semana polo profesorado tendo en conta o traballo desenvolvido  polo alumnado ata a interrupción das clases (13 de marzo).
• As notas publicaranse o venres día 3 de Abril a partir das 10:00 h., a través de AbalarMóvil (ao final do texto tedes un arquivo coas instruccións para descargar a App). Se algunha familia non pode descargarse a App, dirixirase ao correo electrónico asignado a cada clase (ao final do texto tendes un arquivo coa lista de correos electrónicos) solicitándolle ao titor/a, que as enviará por ese medio.
• Quedan suspendidas todas as avaliacións de diagnóstico para este curso.
• A 3ª avaliación, pendente de novas instrucións, pero de continuar esta situación, seguiremos traballando así e avanzaremos currículo con posibles modificacións nos contidos e nas competencias.

Recibide un cordial saúdo e coidádevos moito.